ياسر عبد العزيز يكتب .. مرتضى يحكم والخطيب طلع ” حنفى” !!

0

بقلم : ياسر عبد العزيز

خلاصة الازمة التى دفع رحاها الاهلى على مدار الاسابيع الماضية بلا لزمة ان الكابتن محمود الخطيب انتزع لقب “الريس حنفى ” باقتدار وعن جدارة وواصل سلسلة حلقات سقوطة الذريع فى ملعب الادارة ، بعدما اعتاد على الظهور فى مناسبات كثيرة رافعا شعار لا نمكن تنزل المرة دى ونتفاجئ فى نهاية المشهد والحدوته بنشره بيان يحمل المعنى المعاكس ومضمونه ” تنزل المرة دى ” ، بينما غريمه المستشار مرتضى منصور بدا حاكما للكرة وادارتها بفكره ونضوجه الادارى وغير المسبوق كظاهرة تستحق الدراسة والاستفادة منها والتعلم من دروسها المستفادة .

الحدوتة طبقا لرواية المتخصصيين والقانونيين ومحترفى اللوائح لمن يريد أن يفهم الأمر يموضوعية وتجرد…….وبالتالى أنصح ( البهاليل)…و(المغيبين) بعدم اضاعة وقتهم فى القراءة أو التعليق……وسأحاول كتابته بأبسط أسلوب ممكن:


تعددت الأقاويل ……وكثرت الفتاوى……. حول خطوة الأهلى فى اللجوء للتصعيد القانونى ضد اتحاد الكرة تتلخص فى النقاط التالية:

(1) لجأ الأهلى اليوم الى مركز التسوية والتحكيم …….

بتبدأ الاجراءات فى مركز التسوية بأن طلبك المستعجل اللى هو انهاء المسابقة قبل 30 / 6 بيتعرض على لجنة اسمها لجنة التسوية..عادة اللجنة دى بترفض الطلب المستعجل وتحيل الموضوع للتحكيم… وحتى لو قبلته وادت للأهلى قرار….. فهناك استحالة لتنفيذه نظرا لضيف الوقت المتاح قبل البطولة الأفريقىة….ده غير ان الكاف أصلا واقف النشاط فى جميع الدول اعتبارا من 15/6..

اذن هى خطوة لن تجدى فى شيىء ……….

طيب اللجنة حولت الموضوع للتحكيم ……..وده كدة كدة لازم يحصل عشان يتحكم فى الموضوع اذا كنت صاحب حق ولا لأ …………لازم سعادتك الاتحاد يوافق هو كمان على اللجوء للتحكيم وطبعا ده مش حايحصل.

طيب ايه العمل؟؟؟؟؟
(2) حايفضل مركز التسوية يبعت للاتحاد مرة واتنين وتلاتة يطلب منه تعيين محكم ……..وعلى بال الاتحاد مايعين محكم يكون عدى شهرين تلاتة….

(3) لما يبدأوا بعدها…..ينظروا القضية ….ففيه 500 حيلة قانونية تستخدم للتسويف طبعا الاتحاد حايستخدمها ……يعنى سعادتك كدة ان شاء الله قدامك مش أقل من 6 شهور لسنة عشان تاخد حكم ………وحتى لو جه الحكم لصالحك فبرضه مالوش معنى لأن حانكون تقريبا فى نص الموسم الجديد..

(4) نيجى بقى لشكوى الفيفا …واللى هى الحقيقة موضوع مضحك…..لأنك أولا ماتقدرش تلجأ للفيفا الا عن طريق الاتحاد…. وثانيا الا بعد ماتكون خلصت التقاضى المحلى بتاعك.


ثالثا الفيفا حاترجع تحيل الموضوع للاتحاد باعتباره نزاع محلى…..وغالبا حاينتهى الأمر بانها حاتقر حق الاتحاد فى وضع المواعيد المناسبة باعتباره منظم المسابقة بموجب تفويض الأندية له……وبالمناسبة برضه ده حاياخد له وقت مش أقل من 6 شهور.

(5) يبقى مافضلش قدامك الا اللجوء للمحكمة الرياضية الدولية واللى هى نظامها الأساسى بينص على:
(لا يجوز تقديم النزاع إلى محكمة CAS إلا إذا كان هناك اتفاق تحكيم بين الطرفين المتنازعين يحدد اللجوء إلى هذه المحكمة ، ويعترف بالولاية القضائية لها)……….. يعنى برضه لازم الاتحاد يوافق .

(6) كمان نظام المحكمة بينص على:
( يمكن اللجوء فقط إلي المحكمة الرياضية الدولية بعد استنفاد كل القنوات الداخلية الأخرى) …….يعنى سعادتك ماتقدرش تروح لها الا بعد مايطلع حكم ضدك من مركز التسوية اللى هو زى ماقلنا قدامه مش أقل من سنة)… طبعا ده غير طول مدة التقاضى قدامها ..

(7) الخلاصة……مايحدث هو ( شو اعلامى)….لالهاء الجماهير …….واستمرار تغييبهم……….وتمييع للقضية الأساسية وهى ( تراجع الأهلى) ….وصرف النظر عن اصدار بيان قاطع بعدم استكمال المسابقة بعد كأس الأمم ثم التراجع فيه……..ومحاولة لاسترضاء السوشيال ميديا والتى باتت تتحكم فى القرار………

(8) اليوم ..هو الفرصة الأخيرة لاتخاذ موقف يحافظ على ماتبقى من (كرامة الأهلى)…….خاصة بعدما اصرار اتحاد الكرة على تجاهل الأهلى وعدم احترامه…….وأصدر اليوم جدول المواعيد بعد البطولة..

أخيرا : مايحتاجه الأهلى ليس ( حلا قانونيا) …..وانما ( موقفا قوبا) يعلن فيه أن الدورى بالنسبة له قد انتهى ……..وأنه لن يشارك فى هذا العك ……ولنعلن صراحة عن تدشين مرحلة تاريخية جديدة…..عنوانها ( مرتضى منصور ………يحكم)!!!!!!!



اترك رد